NBA po bëhet gati për të rifilluar sezonin aktual më 31 korrik në Florida. Ndërkohë rastet me Covid-19 në skuadrat e kampionatit më spektakolar në botë vijojnë të rriten.
Kështu, në 24 orët e fundit janë konfirmuar 6 raste të reja më coronavirus. Tri raste i përkasin ekipit të New Orleans dhe 3 ekipit të Denver.
Presidenti i New Orleans, David Griffin, tha se 3 lojtarë kanë dalë pozitivë, por nuk ka bërë me dije emrat e tyre. Ai tha vetëm se basketbollistët janë në izolim, ku do të qëndrojnë për 15 ditë dhe do t’u nënshtrohen testeve të tjera.
E njëjta situatë edhe te Denver, ku nuk dihen emrat e 3 basketbollistëve që kanë dalë pozitivë me Covid-19, por vetëm që ata janë në karantinë.
