Interi luan ndaj Brescias në orën 19:30 në ndeshjen e vlefshme për javën e 29-të të Serie A.
Titulli kampion nuk është më një objektiv real për zikaltërit por skuadra e drejtuar nga Conte do të kërkojë fitoren për ta mbyllur sa më mirë sezonin.
Përballë do të kenë një skuadër që kuotohet si një nga favoritet për të rënë nga kategoria. Brescia në 28-të ndeshje kanë grumbulluar vetëm 18- pikë dhe renditen në vendin e 19-të.
Sipas medieve italiane, për këtë ndeshje Romelu Lukaku do të ulet në stol dhe do të ketë mundësinë për të pushuar. Sulmin e zikaltërve pritet ta udhëheqin Alexis Sanchez dhe Lautaro Martinez.
Një lajm i mirë është rikthimi nga dëmtimi i mesfushorit Marcelo Brozoviç i cili pritet të luajë disa minuta gjatë pjesës së dytë. Nga ana tjetër Brescia do të vuajë mungesat e Andrea Cistana, jon Chancellor, Dimitri Bisoli dhe Mario Balotelli.
Formacionet e mundshme:
Inter: Handanovic; Godin, De Vrij, Bastoni; Moses, Barella, Valero, Gagliardini, Young; Lautaro, Alexis
Brescia: Joronen; Sabelli, Papetti, Mateju, Semprini; Dessena, Tonali, Bjarnason; Zmrhal; Torregrossa, Donnarumma
