Operacioni anti-drogë/ Nga gomonia te 15 apartamente, ja çfarë u sekuestrua në Shqipëri

Anti-mafia dhe anti-terrori në Itali drejtoi një operacion anti-drogë që çoi në arrestimin e 37 personave, sekuestrimin e 3.5 ton drogë e llojit marijuane, kokainë dhe hashash, vlera e së cilës është 40 milion euro.

Në Shqipëri operacioni u drejtua nga SPAK, ndërsa nga raportimet mësohet se janë ushtruar kontrolle në Tiranë dge Vlorë, ku janë sekuestruar një sipërfaqe toke, shtatë makina, 15 apartamente dhe një gomone 12 metra e gjatë.

LEXO EDHE  Rritja e të infektuarve me koronavirus/ Biologu i njohur shqiptar: Ja pse gjendemi në këtë situatë

Gomonia është kapur në njërën prej magazinave të grupit. Operacioni vijon në Itali dhe autoritetet italiane janë duke kryer arrestime të reja ndërsa veprimtaria e grupit kriminal ka nisur që në vitin 2015.

Kreu i grupit kriminal që transportonte drogë nga Shqipëria në Itali është shqiptar, ndërsa pjesë të tij janë edhe efektivë të policisë italiane.