Më 30 korrik Kuvendi do të votojë nëse do të realizohen ose jo ndryshimet kushtetuese mbi ndryshimin e sistemit zgjedhor.
Adea Pirdeni dhe Erind Merkuri janë përzgjedhur nga opozita parlamentare si ekspertë të saj lidhur me ndryshimet kushtetuese që propozojnë.
Sot Këshilli i legjislacionit ka nisur shqyrtimin e kërkesës së “opozitës” parlamentare lidhur me ndryshimin e Kushtetutës, përsa i takon sistemit zgjedhor. 28 deputetë kërkojnë lista të hapura, ndalimin e koalicioneve parazgjedhore dhe vendosjen e një pragu 5 % për t´u përfaqësuar në Parlament.
Përgjatë muajit korrik do të diskutohet lidhur me këtë kërkesë dhe pritet që në 30 korrik të votohet mbi propozimet.
Nuk dihet nëse socialistët do të mbështesin një nismë për ndryshime kushtetuese, në një kohë kur Kuvendi është formal pa prezencën e opozitës reale, e cila dorëzoi mandatet e deputetëve që prej shkurtit të 2019.
