Ambasadori britanik në Tiranë, Duncan Norman, i cili ishte pjesë e negociatave të zhvilluara pak javë më parë për reformën zgjedhore, u shpreh sot se ky është hap me rëndësi për hyrjen në BE dhe shpreson që parlamenti ta miratojë.
“Një hap me rëndësi për hyrjen në BE. Kemi qenë mbështetës të mëdhenj të Reformës Zgjedhore. Shpresoj që Parlamenti ta miratojë”, tha Norman.
Reagimi i diplomatit britanik ka ardhur në afatin e fundit të vendosur nga Këshilli Politik për t’i dorëzuar Kuvendit marrëveshjen e dakordësuar, për t’u shqyrtuar dhe miratuar në seancë plenare.
Ndërkohë sot, Këshilli i Legjislacionit ka nisur diskutimet mbi propozimet e asaj që konsiderohet si opozita parlamentare për ndryshimet Kushtetuese, përmes të cilave synohet ndryshimi i sistemit zgjedhor, mos lejimi i koalicioneve parazgjedhore dhe vendosja e një pragu elektoral prej 5 %.
