Ambasadorja Amerikane Yuri Kim zhvilloi sot një takim me kryetarin e Kuvendit Gramoz Ruçi. Biseda mes tyre është fokusuar te Gjykata Kushtetuese.
Në fundjavë, diplomatja amerikane ka zhvilluar një takim në rezidencën e saj me ministren e Drejtësisë, Etilda Gjonaj, ndërsa u njoftua për takime të ngjashme me përfaqësues të Presidencës dhe çdo institucioni tjetër të përfshirë në procesin e plotësimit të vakancave të Kushtetueses.
Ndërkohë Kryeparlamentari Gramoz Ruçi nesër do të takohet më Presidentin e Republikës Ilir Meta.
Po nesër do të mblidhet edhe KED për vlerësimin e kandidaturave për 3 vakancat e tjera të Gjykatës Kushtetuese, dy të presidentit dhe një nga Parlamenti.
