Dy pacientë, një 70 vjeçar nga Shkodra dhe një 54 vjeçar nga Tirana, kanë humbur jetën si pasojë e Covid-19. Ata ndodheshin prej ditësh të shtruar në spital dhe nuk kanë mundur të fitojnë betejën me Covid-19.
Nga të dhënat zyrtare, mësohet se pacientët që kanë humbur jetën vuanin edhe nga sëmundje të tjera bashkëshoqëruese.
Numri i personave që kanë humbur jetën si pasojë e Covid-19 në Shqipëri ka shkuar në 55 persona.
“Një 70 vjeçar nga Shkodra dhe një 54 vjeçar nga Tirana, të konfirmuar me Covid19, me disa sëmundje bashkëshoqëruese, kanë ndërruar jetë në spitalin infektiv, megjithë kujdesin e mjekëve dhe terapinë intensive. Ministria e Shëndetësisë dhe Mbrojtjes Sociale u shpreh ngushëllimet familjarëve të të ndjerëve”, sqaron deklarata.
Referuar të dhënave zyrtare, në 24 orët e fundit, janë zbuluar 72 raste të reja, ndër të cilat 19 në Tiranë, 9 Krujë, 8 raste në Shkoder, Durrës e Pukë
