Tirana ka përmbysur Skënderbeun dhe ka dalë triumfuese me rezultatin 1-2 në ndeshjen e vlefshme për javën e 31-të të Kategorisë Superiore.
Heroi i takimit për bardheblutë ka qenë pikërisht sulmuesi Michael Ngoo i cili ka realizuar një dopietë duke bërë të pavlefshëm golin korçareve të shënuar nga Mensah. Ishte pikërisht mbrojtësi nga Holanda, ai i cili hapi serinë e golave në minutën 9-të të takimit.
Reagimi i Tiranës do të vinte në pjesën e dytë, aty ku shtatlarti Ngoo mori përsipër fatet e takimit. Baraspesha u vendos në minutën e 71-të, teksa Ngoo realizoi me kokë pas harkimit mjaft të mirë të Kobina.
Gjashtë minuta më vonë ka ardhur përmbysja e madhe sërish me protagonist sulmuesin me pasaportë angleze. Pas një rrëmuje në zonë, 27-vjeçari goditi saktë duke shënuar sërish.
Një fitore krejtësisht legjitime për bardheblutë që konfirmojnë që janë skuadra më e mirë në Superligë dhe më shumë mundësi kampionët e rinj të vendit.
DENONCO