Modelja Chrissy Teigen tregoi rezultatet e operacionit të saj të fundit për heqjen e implantit të gjirit në një video, të enjten, shkruan Daily Mail.
Për t’ua larguar shqetësimet e 30.4 milionë ndjekësve të saj në Instagram, supermodelja 34-vjeçare zbuloi se shërimi i saj po shkon shumë mirë dhe tregoi gjoksin pas operimit.
“Ne jemi duke u argëtuar aq shumë në shtëpi, po shijojmë çajin dhe përgatitjen e kekëve,” tha ajo në InstStory.
Në një video tjetër, ajo e tërhoqi bluzën lart dhe tregoi gjoksin pas operimit.
“Ndihem mirë, kështu që mos u shqetësoni për mua. Dhe ky është gjiri im i ri. Yay!”, tha ajo me shaka, ndërsa filmonte veten.
Chrissy ishte vetëm 20 vjeçe kur ajo fillimisht i hyri briskut për të përmirësuar madhësinë e gjirit të saj.
“Unë e bëra gjirin kur isha rreth 20 vjeçe,” tha ajo më parë për Glamour UK, duke shtuar se dëshironte që gjiri t’i dukej bukur kur pozon në bikini.
