Një tërmet i fortë është regjistruar pak minuta më parë në Kaliforninë Qendrore, në SHBA.
Sipas të dhënave paraprake të publikuara nga EMSC, tërmeti ka qenë me magnitudë 5.8 sipas shkallës Rihter, ndërsa epiqendra e tij ka qenë 123 km në lindje të qytetit Visalia.
Thellësia fokale e lëkundjeve të forta sizmike ka qenë 44 km, ndërsa fenomeni sizmik është regjistruar rreth orës 10:40 me kohën lokale (19:40 me orën në Shqipëri).
Deri më tani nuk ka raportime për persona të lënduar apo dëme materiale.
Referuar komenteve në aplikacionin e EMSC, lëkundjet kanë zgjatur rreth 20 sekonda.
Tërmeti është shoqëruar edhe nga disa pasgoditje, ku më e forta ishte me magnitudë 4.6 sipas shkallës Rihter.
