Ka përfunduar mbledhja e Këshillit Politik, lidhur me Reformën në Drejtësi. Pas më shumë se 4 orë diskutime, duket se është arritur një dakordësi për çështje të rëndësishme.
Përfaqësuesi i qeverisë, Gjiknuri tha se u ra dakort për formulimin dhe mandatet e anëtarëve të Komisionit Qendror të Zgjedhjeve.
Gjiknuri tha se u pranuan kërkesat e Opozitës dhe garancitë që ata kërkonin. Ai shtoi se ekspertët po e zbardhin marrëveshjen dhe do të jetë gati për 2, ose 3 ditë për të shkuar në Kuvend.
Përzgjedhja e komisionerëve do të bëhet në Parlament, dhe një përfaqësues i Opozitës, do të ketë të drejtën të miratojë ose të përjashtojë, kandidatët. Emrat e Komisionit Rregullator dhe Komisionit të Ankesave, do të votohen në bllok, pasi të miratohen nga komisioni ku do të ketë përfaqësim Opozita.
Gjiknuri u shpreh se vota e emigrantëve do të mund të garantohet, pasi ata të shprehin vullnetin e tyre, duke u regjistruar në regjistrin e gjendjes civile, ku më vonë të regjistrohen edhe si votues.
Përfaqësuesi i PD, Oerd Bylykbashi, u shpreh se propozimi I tretë, ofron garancitë që Komisioni Qendror I Zgjedhjeve, nuk do të kontrollohet nga mazhoranca. Bylykbashi tha se me këtë dakordësi të arritur sonte, ju hoq nga dora qeverisë administrimi i zgjedhjeve.
Sipas Bylykbashit, pas kësaj mbledhje, Kodi Zgjedhor do të ofrojë siguri shtesë që vota e shqiptarëve të mos preket.
LEXO EDHE:
Formula e zgjedhjes së KQZ/ Këshilli Politik bie dakort me propozimet e PD
