Gjykata e Posaçme e Apelit ka shtyrë për të premten dhënien e vendimit për ish-ministrin e Brendshëm Saimir Tahiri. Trupi gjykues, në të cilin gjyqtarja Nure Dreni, u zëvendësua nga Dhimitraq Lara, vendosi të japë vendimin ndaj ish-ministrit të Brendshëm, Tahiri dhe ish-drejtorit të Policisë së Vlorës, Jaeld Çela, më datën 26 qershor. Shkak për shtyrjen e vendimit është bërë kërkesa e gjyqtarit Lara, që ka kërkuar kohë për tu njohur me aktet e dosjes.
Tahiri mbërriti në Gjykatë i shoqëruar nga avokati i tij Maks Haxhia.
“Kështu do e hanë të gjithë”, u shpreh Tahiri.
Në seancën e 11 qershorit, Tahiri paraqiti një mbrojtje prej 138 faqesh, ndërkohë që prokurorët e çështjes kërkuan shfuqizim të dënimit të konvertuar në shërbim prove.
Tahiri një vit më parë është dënuar 5 vite burg të konvertuara me gjykim të shkurtuar në 3.4 vite shërbim prove dhe dënimi u dha për shpërdorim detyre.
SPAK nga ana tjetër kërkonte 12 vite burg për Tahirin për 3 vepra penale “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”
