Damian Gjiknuri, përfaqësues i PS-së në Këshillin Politik, ka kërkuar një mbledhje ditën e mërkurë, në orën 17:00, për të vijuar punën për përmbylljen e draftit final mbi zgjedhoren.
Gjiknuri ka kërkuar që nga negociatorët të sjellin propozime të shkruara paraprakisht për çdo çështje të mbetur pezull, me synim që ditën e nesërme bashkë me zgjidhjen ligjore për mekanizmin e përzgjedhjes se anëtarëve të KQZ të marrë miratimin e gjithë paketa e amendimeve në Kodin Zgjedhor.
Sipas tij kjo gjë do t’i lejonte më pas Komisionit Parlamentar të Reformës Zgjedhore që të avancojë me procedurat e brendshme përpara skadimit të afatit.
Afati përfundimtar lidhur me punën e zgjedhores është 30 qershori.
