Ardian Dvorani, këtë të martë, i është drejtuar zv. kryetares së KED-së, përmes një letre ku ai e vë ne dijeni se ende nuk e ka marrë vendimin e arsyetuar nga KLGj për ndërprerjen e mandatit të tij.
Ndërprerja e mandatit nga KLGJ erdhi pas përplasjeve të gjata me Presidentin Ilir Meta për mënyrën si ai e kretoi KED-në, institucioni kyç për emërimet në Gjykatën Kushtetutuese, që tashmë, sipas ligjit, do të drejtohet nga zv.kryetarja Vitore Tusha, gjyqtare e Gjykatës Kushtetuese.
Në 11 qershor, Keshilli i Lartë i Gjyqësor, vendosi t’i ndërpres Ardian Dvoranit qëndrimit në Gjykate të Lartë e për pasojë dhe kryesimin e Këshillit të Emërimeve në Drejtësi. Tashmë ai është ish-kryetar i KED.
Ligji që rregullon funksionimin e KED-së, parashikon në nenin 225, se anëtarët e përjashtuar zëvendësohen nga një anëtar i po i njëjtit institucion. Por në përbërjen e KED ka vetëm një anëtar i Gjykatës së Lartë. Juristi Ledio Braho thotë se ligji detyron Dvoranin të largohet, edhe si anëtar.
“Të gjitha interpretimet që po bëhen se ai nuk mund të qëndroj si anëtar dhe jo kryetar, kjo është e paligjshme”, thotë Braho për “Abc News”.
Sipas tij, ligji nuk lë hapësira as që ai të ndjekë shembullin e Arta Markut, e cila u zgjodh si anëtare nga Prokuroria e Përgjithshme, por më pas kaloi tek vendi vakant i Gjykatave të Apelit.
“Situata me Arta Markun është ndryshe. Kur ajo u largua nga prokuroria, kishte një vakancë për anëtarin e Gjykatave të Apelit. Janë raste të ndryshime”, shprehet Braho.
Përbërja e KED ndryshon mes datës 1 dhe 5 dhjetor të çdo viti kalendarik, kur Presidenti duhet të hedh shortin.
DENONCO