Dy raste të reja me koronavirus janë konfirmuar në Elbasan në 24 orët e fundit në Elbasan. Mësohet se rastet e reja janë një grua në lagjen “Kongresi i Elbasanit”, ndërsa rasti i dytë është i importuar nga jashtë Shqipërisë.
Numri i të prekurve me koronavirus në 24 orët e fundit në të gjithë vendin është 50, ndërkohë që raportohen raste të përhapjes së Covid-19 në institucione.
Nga momenti i shfaqjes së pandemisë kanë humbur jetën si pasojë e Covid-19, 45 qytetarë, ndërkohë që ka një rritje të numrit të të shtruarve në spitalin infektiv, i cili po shkon drejt plotësimit të kapaciteteve.
