Kreu i Vetëvendosjes në Tiranë Bojken Abazi ishte i ftuar në “A-Show” për të diskutuar mbi ngërçin e politikës në Tiranës, 15 kushtet e BE dhe takimin Kosovë-Serbi më 27 Qershor në Shtëpinë e Bardhë.
Sa i përket kushteve të Europës për Shqipërinë, kreu i VV në Shqipëri u shpreh se, shembja e Teatrit Kombëtar ishte vija e kuqe.
“Nuk kemi as Gjykatë Kushtetuese, as Gjykatë të Lartë, rrezikohet fjala e lirë e medias. Rasti i Teatrit Kombëtar tregoi se kjo qeveri, pushteti qendror dhe lokal, kanë kaluar një vijë të kuqe sepse firmosën të gjithë, Këshill Ministrash dhe Këshill Bashkiak, nga e cila nuk kthehen pas sepse kanë firmposur të gjithë. Dhe nëse ju kujtohet dje u kërkua dënimi dhe hetimi i dhunës. Ne jemi një shtet policor”, tha Abazi.
I pyetur nga Krasta për Veliajn me termin ‘Si e njeh atë zdromsin?’, Abazi dha këtë përgjigje:
“Unë e kam njohur por unë jam larguar që në 2007. Unë shoh një qasje neoliberale. Shkatërron publiken dhe kalon gjithmonë e më shumë kapital në pak duar. Aq shumë u zhgënjeva nga Mjaft sa tre vjet u largova nga jeta publike. Kur jam kthyer nga SHBA, kuptova se isha brenda organizatës së gabuar. Mësova prej atyre gabimeve”.
