Eurodeputeti francez Thierry Mariani u shpreh në mbledhjen e sotme në PE, se politikat që po ndjek aktualisht Shqipëria drejt anëtarësimit në BE, nuk janë të duhurat dhe të njëjta me ato të unionit. Më tej, Eurodeputeti tha se Shqipëria është një pikë qendrore e influencës turke në rajon.
Ai përmendi rastin e 5 mësuesve në Kosovë, që në mars u depërtuan në Turqi.
“Inteligjenca Turke kishte edhe partnerë shqiptarë. Ne nuk mendojmë që politikat që kanë zgjedhur këto momente janë të duhura dhe ato të njëjta me BE. Duhet të tregohemi më të ndershme përsa i përket Shqipërisë”, u shpreh politikani francez.
Deklarata:
“Ne jemi kundër zgjerimit të BE dhe pyetja tani është për Shqipërinë përsa i përket instrumenteve përpara zgjerimit. Shqipëria është një pikë qëndrore e influencës turke në rajon. Dua të përmend 5 mësues në mars në Kosovë të cilët u rrëmbyen dhe u dërguan në Turqi. Inteligjenca Turke kishte edhe partnerë shqiptarë. Ne nuk mendojmë që politikat që kanë zgjedhur këto momente janë të duhura dhe ato të njëjta me BE. Duhet të tregohemi më të ndershme përsa i përket Shqipërisë”
Në komisionin e Jashtëm të Parlamentit Europian u zhvillua sot një seancë e posaçme dëgjimore në Komisionin e Jashtëm për situatën në Shqipëri, ku spikatën qëndrimet kritike ndaj qeverisë shqiptare dhe kërkesa e përsëritur për plotësimin e 15 kushteve për çeljen e negociatave të anëtarësimit të Shqipërisë në Bashkimin Europian.
