Gazetari Ylli Dylgjeri ka ironizuar Rilindjen pas qëndrimeve të saj, lidhur me rezolutën e miratuar nga Parlamenti Europian, ku Shqipërisë i kujtohen 15 kushtet që duhet të plotvsojë lidhur me nisjen e bisedimeve ndërqeveritare me BE.
“Të rrethohet Parlamenti Europian!”, shkruan Dylgjeri në rrjet, duke sugjeruar që protestuesit të mbajnë në duar portretet e Edi Ramës dhe parrullat: Teatrin e shembën, Europën e trembëm.
Ironia e gazetarit vjen në një kohë kur pritet që sot Parlamenti Europian të diskutojë mbi situatën në Shqipëri dhe shembjen e Teatrit Kombëtar.
“Nesër Policia e Lleshit, meqë hapen linjat e avionëve, duhet të niset për të rrethuar Parlamentin Europian.
Bashkë me policinë, të nisen edhe anetaret firmëtarë të Këshillit Bashkiak te Tiranës, artistët e popullit, dhe artistët e lagjes, që u solidarizuan me prishjen e Teatrit, aktorët e Portokallisë të udhëhequr nga Kryetari i Bashkisë Erion Velija dhe ministrja anonime e Kulturës.
Në duar të mbajnë portretin e Edi Ramës të shoqëruar me parrullat : “Teatrin e shëmbem, Europën e trembëm!””, shkruan Dylgjeri.
