Mëngjesin e kësaj të hëne një avokat është dhunuar në Vlorë. Burime për Abc Neës bëjnë me dije se dy persona kanë dhunuar dhe kërcënuar avokatin Kujtim Cakrani.
Avokati dyshohet të jetë dhunuar për shkak të detyrës. Mësohet se atij i është kërkuar që të heqë dorë nga një çështje.
“Çështja për të cilën unë jam dhunuar ka të bëjë me një hetim për rrëmim personash. Në një intervistë që unë kam dhënë para disa ditësh që kam bërë dhe mbrojtjen e viktimës, ato mesa duket e kanë parë.
Unë zyrën e kam me kamera dhe i njoh ato. Unë sapo jam dhunuar kam njoftuar policinë, por akoma nuk është bërë i mundur kapja e tyre.
Nuk heq dorë nga kërcënimet, duhet të marrin fund dhunimet dhe kërcënimet ndaj avokatëve. Unë jam kërcënuar edhe herë të tjera, sa herë që hedh hapa ndaj çështjes së klientit tim. Unë nuk intimidohem nga presionet pasi jam në të drejtën time të ligjshme”, është shprehur avokati./abcnews.al
