“Nuk jemi shumë të lumtur me luftën kundër kanabisit”. Deklarata, referuar situatës në Shqipëri, u bë në mbledhjen e sotme të Komisionit të Jashtëm në Parlamentin Europian nga Genoveva Ruiz Calavera, e cila mban postin e drejtueses për Ballkanin Perëndimor në KE, si dhe drejtueses së Përgjithshme për Politikat e Fqinjësisë Evropiane dhe Negociatat e Zgjerimit.
Calavera, e cila është dhe shefja e Operacionit Ndërkombëtar të Monitorimit, foli dhe për reformën në drejtësi, duke këshilluar implementim e rekomandimeve të Komisionit të Venecias për Gjykatën Kushtetuese.
Lidhur me prokurimet publike, tha se çdo lloj fondi që jepet nga BE për Shqipërinë është i verifikueshëm, ndërsa shtoi dhe do vazhdojmë me verifikimin për fondet e dhëna lidhur me rindërtimin pas tërmetit dhe situatën e krijuar nga koronavirusi.
Duke folur për 15 kushtet që Shqipërisë i janë vendosur nga BE, Calavera tha se rëndësia e tyre mund të diferencohet, nisur nga fazat e procesit të integrimit.
