Në 76-vjetorin e genocidit grek, kreu i PDIU-së, Shpëtim Idrizi, i ka bërë thirrje kryeministrit grek të zbatojë marrëveshjen e babait të tij, ish-kryeministër i vendit me palën shqiptare.
Ai tha se qarqe brenda dhe jashtë Shqipërisë janë përpjekur të lënë çështjen çame në harresë, ndërsa solli në vëmendje edhe incidentet e ndodhura përgjatë ditëve të fundit ku disa ekstremistë grekë janë shfaqur duke djegur flamurin shqiptar.
Idrizi njofton edhe nisjen e javës çame, e cila këtë vit do të ketë sloganin “Mos e harro Çamërinë”.
“Jemi këtu sot në përkujtim të 76-vjetorit të genocidit të programuar mbi shqiptarët e Çamërisë. Sot bëjmë të qartë se kombet e dështuara, ata që gjatë historisë së tyre humbin luftëra dhe territore e fshijnë të shkuara me harresë. Qarqe brenda dhe jashtë Shqipërisë janë përpjekur të mbulojnë çështjen çame me harresë.
Vëmendja dhe kujtesa për këtë genocid është sot e gjallë. ne do të lodhemi të fundit. Ne sot fillojnë sot organizimin Java Çame. Këtë vit e kemi me sloganin Mos e harro Çamërinë. Ajo i drejtohet qeverisë greke.
I kujtoj kryeministri grek babain e tij, i cili në bashkëbisedim me Meksin lejonte ngritjen e varrezave të çamëve. Sot i bëj thirrje atij të mos e harrojë babain. Unë sot ju kujtoj që kemi shumë arsye për të ngritur zërin.
Qarqet ekstremiste greke janë gjallëruar duke djegur flamurin shqiptar dhe ne presim të reagojë qeveria. Idiotët e dobishëm të Athinës shfaqen edhe në ekranet shqiptare duke mbrojtur të drejtat e minoritetit grek. Ne kemi shumë arsye për të folur për ato që na bëjnë bashkë. Ne shqiptarët e Çamërisë do të lodhemi të fundit”, tha Idrizi.
