Kampionati italian i futbollit rinisi pasditen e së shtunës, pas pushimit të detyruar nga koronavirusi, me një barazim. Torino-Parma e cila u luajt në orën 19:30 përfundoi 1-1, në një ndeshje të vlefshme për javën e 25 të Serisë A.
Nkoulou kaloi në avantazh torinezët me një goditje të saktë me kokë në minutën e 15. Barazimi erdhi po në pjesën e parë, me Kucka që godet fort me të majtën në zonë, duke barazuar për Parmën.
Në pjesën e dytë, Torino pati shansin më të mirë për të kthyer avantazhin, por Belotti gaboi nga pika e 11-metërshit.
Ndërkohë sfida tjetër e orës 21:45 mes Veronës dhe Cagliarit u mbyll me fitoren e vendasve 2-1, ndeshje ku mbrojtësi shqiptar Marash Kumbulla u aktivizua për 90 minuta.
