Një aksident me pasojë vdekjen e një personi ka ndodhur këtë mbrëmje në Shkodër. Sipas informacioneve paraprake, aksidenti ka ndodhur për shkak të shpejtësisë tej normave të lejuara.
Ende nuk dihet identitieti i viktimës, ndërsa mësohet se policia ndodhet në vendngjarje për të zbardhur shkaqet dhe rrethanat e aksidentit.
Saktësisht, aksidenti ka ndodhur në Hot të Ri. Mësohet se viktima është një 30-vjeçar i cili po udhëtonte me motor.
Burime nga vendngjarja raportojnë se motori me të cili udhëtonte i riu u përplas me një automjet.
