Kategoria Superiore/ Kukësi bie në Laç, Teuta vazhdon ngjitjen

Janë mbyllur tre sfidat e orës 17:00 në Superiore, ku kryendeshja e ditës ishte padyshim mes Laçit dhe Kukësit. Ishin kurbinasit ata që e fituan këtë takim, me rezultatin e pastër 2-0.

Fillimisht, shënoi mesfushori Lushkja, një gol shumë të bukur në minutën e 35-të. Ndërsa në pjesën e dytë, shënoi mbrojtësi Selmani, për të vulosur rezultatin final të sfidës në 2-0.

Nga ana tjetër, Teuta konfirmoi formën e mirë duke fituar thellë 1-5 përballë Luftëtarit, me të gjashtë golat që u shënuan në pjesën e dytë. Kallaku shënoi tripletë, ndërsa Hebaj dhe Avdyli shënuan nga një herë. Golin e vetëm për Luftëtarin e shënoi Haxhiu. Kjo ishte fitorja e dytë radhazi për “Djemtë e Detit” pas suksesit në shtëpi ndaj Tiranës.

LEXO EDHE  Finalja e Superkupës/ Real Madrid dhe Athletic Bilbao synojnë trofeun, ndiqni sfidën “live”

Në sfidën mes Bylisit dhe Skënderbeut e luajtur në Ballsh, ishin vendasit ata që triumfuan, vetëm në sekondat e fundit të sfidës. Një gol nga Hidi me penallti vendosi fatet e takimit. Laçi ngjitet në vend të tretë dhe lë Skënderbeun pas, ndërsa Kukësi mbetet 9 pikë pas Tiranës kryesuese.