Sapo kanë përfunduar të gjitha sfidat e javës së 33-të në Bundesligën gjermane.
Kryesfida e javës ishte ajo mes Leipzig dhe Borussia Dortmund e cila përfundoi 0-2 në favor të verdhezinjve. Sfidën e vendosi Erling Haaland me një dopietë. Fillimisht ai shënoi në minutën e 30-të të pjesës së parë, ndërsa në sekondat e fundit të ndeshjes dyfishoi rezultatin.
Në golin e parë, Norvegjezi përfitoi nga një pasim i Reyna brenda zonës dhe më pas me qetësinë që e karakterizon dërgoi topin në rrjetë. Në golin e dytë, Haaland shënoi pas një kundërsulmi të shpejtë të verdhezinjve. Kjo fitore vulos vendin e dytë për Dortmund-in pasi ky pozicion rrezikohej pikërisht nga Leipzigu të cilët përpara kësaj sfide ishin vetëm 3 pikë prapa.
Nga ana tjetër kampionët e sapo shpallur të Bayern Munich fituan në shtëpi 3-1 përballë Freiburgu-t. Kimich zhbllokoi rezultatin në minutën e 15-të përpara se Lewandowski të dyfishonte shifrat 9-të minuta më vonë.
Në pjesën e parë do të shënoheshin edhe dy gola të tjerë. Fillimisht Freiburg reagon duke ngushtuar shifrat me anë të Holer në minutën e 33-të ndërsa Lewandowski konfirmon formën e jashtëzakonshme dhe shënon golin e dytë personal dhe të tretin për skuadrën në të 37-ën.
Të gjitha rezultatet e javës së 33-të:
