Plumba ndaj biznesmenit në Bulqizë! Emri

Të shtëna me armë në Bulqizë. Është qëlluar me armë në drejtim të një biznesmeni, ndërtuesit Gëzim Balla.

Raportohet po ashtu se Balla nuk është prekur nga plumbat, ndërsa autori dyshohet të jetë një person i vetëm.

Policia e Bulqizës ka mbërritur në vendngjarje ku ka gjetur 5 gëzhoja.

Informacionet paraprake flasin për një atentat gjatë momentit kur biznesmeni ishte duke lëvizur me makinën e tij.

LEXO EDHE  Eksplozivi në banesën e Armand Dukës, autori i dyshuar Hasanaj kërkon pafajësinë, ishte në qendër tregtare në momentin e shpërthimit

Nga hetimet e para, bëhet me dije se shkak për të shtënat me armë është bërë një histori gjobëvënie.

Ndërtuesi ndodhet aktualisht në polici ku po jep dëshminë e tij lidhur me ngjarjen dhe personat tek të cilët ai dyshon.

Kujtojmë se, Bulqiza, edhe për shkak të minierave të kromit, ka qenë disa herë objekt atentatesh.