Kryeministri iu nxori emrat, revoltohet bashkëshortja e Robert Budinës: Kjo është kafshëri ..

Bashkëshortja e regjisorit, Robert Budina ka kërkuar nga Instituti i Shëndetit Publik që t’i kryejnë urgjentisht testin e COVID-19, pasi bashkëshorti rezultoi pozitiv me virusin.

Sabina Kodra është shprehur e revoltuar pas publikimit të informacionit konfidencial nga ISHP për familjen dhe bashkëshortin e saj, teksa tha se kërkonte që teksti i COVID t’i bëhej edhe pjesës tjetër familjes Budina.

Ajo tha se lajmi i publikuar edhe nga kryeministri Rama është mashtrim dhe se Robert Budina nuk është me COVID.

“Ju marr në telefon nga familja e Robert Budinës, për te cilin ju keni publikuar lajmin që është me COVID-19. Ju lutem duhet të vini t’i bëni testin mua dhe fëmijëve urgjent”, tha bashkëshortja e Robert Budinës, Sabina Kodra gjatë një bisede telefonike me “Panorama.al”.

LEXO EDHE  Aksident në Gjirokastër, plagoset 1 person

“Ka dalë lajmi që Berti është me COVID, ndërkohë që Berti s’është fare me COVID. Kjo është gënjeshtër, kanë nxjerrë emër dhe mbiemër dhe më kanë sakatuar fëmijët. Kjo është kafshëri”, u shpreh më tej Sabina Kodra.

Ajo ka komentuar dhe mesazhin e kryeministrit Rama, i cili për shumë media shërbeu si konfirmim zyrtari i infektimit të vëllezërve Budina.

“Po sigurisht kryeministri, ai i di të gjitha”- tha bashkëshortja e Budinës e revoltuar. Kryeministri tha se dy regjizorët që protestuan edhe gjatë pandemisë për godinën e Teatrit, nuk u kujdesën për këshillat, ndërsa Partia Demokratike ka reguar duke akuzuar kreun e qeverisë se ka nxjerrë të dhëna private dhe konfidenciale të vëllezërve Budina.