Histori prekëse/ 8-vjeçari punon për t’i siguruar kafshatën e gojës familjes: Ha çdo ditë bukë me sherbet

Këtë të premte (19 qershor) në rubrikën “Shqipëria pa filtra”, emisioni “BOOM” solli historinë e familjes Dërstila në Elbasan.

Në një dhomë të rrënuar në fshatin Dërstil jetojnë 5 anëtarët e familjes, çifti i bashkëshortëve dhe tre fëmijët e vegjël.

Kryefamiljari nuk dëgjon dhe nuk flet ndërsa nëna 3 fëmijëve lufton çdo ditë me varfërinë.

Nëna: Kam 3 fëmijë  që po me vuajnë shumë për ushqim. Shtëpia mund të na zërë brenda , shikoni tavanin që po bie. Te ky krevat flemë gjumë 5 veta.

LEXO EDHE  "Kemi një armik të përbashkët"/ Historia e rrallë e të huajit që u njoh në qeli me të ndaluarin e protestës së 8 Janarit

Gjendja në familjen Dërstila është shumë e vështirë, sa djali 8-vjeçar detyrohet të sigurojë ushqimin për familjen.

Ai tregon se mbledh kanaçe pas për t’i shitur, dhe lekët e fituara i sjellë në shtëpi.

Djali 8-vjeçar: Unë shkoj në shkollë dhe më pas mbledh kanoçe dhe i shes. Lekët që fitoj ia jap mamit për bukë. Fitoj 600 lekë të vjetra në ditë. Ndërsa për të ngrënë mami na jep bukë me shërbet. Atë e ha çdo ditë.