Kishte kthyer hotelin në fabrikë kanabisi, shqiptari dënohet me 1 vit burg/ Emri+FOTO

Një 25-vjeçar shqiptar u dënua me 12 muaj burg nga një gjykatë në Mbretërinë e Bashkuar, pasi akuzohet për kultivimin e bimëve narkotike.

Shqiptari kishte shfrytëzuar një hotel të braktisur në Pontypridd për t’a kthyer në një fabrikë kultivimi të kanabisit.

Flavio Picaku, 25 vjeç, u arrestua nga policia, ndërsa tentoi të largohej nga dera e pasme e hotelit, i cili ishte në fazë rikonstruksioni.

Policia ishte njoftuar nga banorë të zonës, pasi një erë e padurueshme vinte nga godina e braktisur.

Policia shkoi të kontrollonte godinën ku zbuloi bimët narkotikeme një vlerë prej më shumë se 500 mijë paund.

I riu shqiptar jetonte gjithashtu brenda hotelit.

Në seancën dëgjimore në Gjykatën e Kurorës në Cardiff, që u zhvillua sot, përfaqësues të policisë thanë se u thirrën në Rrugën “Cilfynydd” rreth orës 18.50 të 31 majit për shkak të aromës së fortë të kanabisit që dilte nga hoteli.

Rreth orës 8.55 të mëngjesit, një nga oficerët, pa një burrë që po përpiqej të dilte nga një pikë e pasme e hyrjes në hotel.

Burri u vërejt përsëri në pjesën e përparme të hotelit. Kur policia ndërhyri, i riu nuk iu përgjigj thirrjes për të hapur derën.

Prokurori William Bebb tha se një oficer goditi panelin e xhamit me këmbën e tij për të hyrë brenda dhe zbuloi Picakun në një dhomë të madhe që përmbante bimë kanabisi dhe pajisje hidroponike. Ai u arrestua më pas.

LEXO EDHE  Lulzim Basha zëvendëson të përjashtuarit në Komisionet Parlamentare! Emrat

Në intervistën e tij policore, Picaku tha se e kishte të vështirë të gjente punë si emigrant i paligjshëm dhe i ishte ofruar mundësia e kujdesit për bimët e kanabisit për para nga një grup i shtetasve shqiptarë.

Ai tha se fabrika ishte vendosur tashmë në hotel para se të mbërrinte dhe ai kishte jetuar atje ndërsa ushqehej dhe ujiste bimët.

Picaku më vonë u deklarua fajtor për prodhimin e një droge të kontrolluar e kategorisë B.

Policia tha se në kontrollin e hotelit prej katër kate, u gjetën shtatë dhoma që përmbajnë gjithsej 608 bimë, të cilat u sekuestruan. Bimët u përshkruan si të shëndetshme në pamje dhe të ushqyera mirë.

U llogarit se ekzistonte midis 16 kg dhe 52 kg kanabis me vlerë midis 201,700 deri në 638,400 paund.

Avokati mbrojtës Susan Ferrier tha se klienti kishte kaluar pesë muaj e gjysmë në Mbretërinë e Bashkuar para arrestimit dhe emigroi nga Shqipëria sepse ishte në rrezik.

Ajo tha se ai ishte i punësuar në fabrikën e kanabisit si kopshtar me pagesë për tre muaj ndërsa dërgoi paratë e fituara në shtëpi për nënën dhe babanë e tij në Shqipëri.

Picaku u dënua me 12 muaj burg.