Organizata Botërore e Shëndetit ka paralajmëruar se një valë e dytë e koronavirusit mund të rikthehet këtë vjeshtë dhe këshilloi që shtetet të krijojnë një program të suksesshëm testimi, gjurmimi dhe izolimi të virusit.
Dr Hans Kluge, drejtori rajonal evropian i OBSH-së, theksoi dje se gjurmimi i kontakteve dhe karantinimi i njerëzve të infektuar me Covid-19, ishte ‘një element thelbësor’ i strategjisë.
Dr Kludge paralajmëroi që ‘këmbanat e alarmit’ duhet të kumbojnë për Evropën, pasi Covid-19 është ende në një fazë aktive në shumë vende.
Ai tha:
Disa vende vazhdojnë të përballen me një rritje të numrit të të infektuarve, siç janë Maqedonia e Veriut, Armenia, Azerbajxhani, Uzbekistani dhe Izraeli. Covid-19 është ende në një fazë aktive në shumë vende. Është thelbësore që ne të vazhdojmë të rimarrim dhe rindërtojmë jetën normale pas bllokimit, por është gjithashtu me të vërtetë e rëndësishme që autoritetet të investojnë plotësisht për të patur një sistem agresiv të gjurmimit, dhe testimit për të shmangur bllokimet shtesë në javët dhe muajt e ardhshëm, nëse virusi do të rikthehet .
