Drogë dhe armë pa lejë, prangoset 30 vjeçari

Një 30-vjeçar është arrestuar nga policia e Pogradecit pasi akuzohet për veprimtari kriminale në fushën e narkotikëve dhe të armëmbajtjes pa leje.

Pas hekurave ka përfunduar shtetasi me iniciale M. Y., banues në Pogradec.

“Gjatë kontrollit trupor të ushtruar këtij shtetasi iu gjetën 4 doza me lëndë të dyshuar narkotike kanabis, si edhe më tej gjatë kontrollit të banesës së tij iu gjetën dhe sekuestruan në cilësinë e provës materiale 1 thikë, 2 copë fishekë armë zjarri tip pistoletë, një radio marrëse-dhënëse, një shkop gome, një detektor që shërben për kontroll fizik personash dhe 1 palë pranga.” njofton policia.

LEXO EDHE  Aksidenti i autobusit me pasagjerë nga Kosova në Bullgari, flet shoferi: Ja çfarë ndodhi

Materialet i kaluan Prokurorisë pranë Gjykatës së Shkallës së Parë Pogradec për veprat penale “Prodhimi dhe shitja e narkotikëve”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.