Reshjet e shiut kanë sjellë përmbytje në rrugët e kryeqytetit.
Nga fotot e sjella nga BoldNews.al, duket një segment i aksit që lidh ish-sheshin Shqiponja me mbikalimin pranë Unazës së Re. Uji mbulon krejt sipërfaqen e rrugës në disa zona.
Mësohet se probleme me përmbytjen e rrugëve ka pasur dhe në zona të tjera të kryeqytetit. Po ashtu, rruga dytësore që lidh Tiranën me Durrësin është mbuluar nga uji.
Shpesh, reshjet e shiut përmbytin rrugët jo vetëm në Tiranë, por edhe zona të tjera të vendit. Javën e kaluar, pati përmbytje në Berat dhe Librazhd.
Problemi mbetet i njëjtë prej vitesh edhe ende nuk po merr zgjidhje.
