Martin Henze, një prej këshilltarëve pranë CDU, ka replikuar ashpër me Kryeministrin Edi Rama.
Në një postim në Twitter, Henze i bën thirrje Ramës të plotësoje 15 kushtet e vendosura nga BE për Shqipërinë, ku përfshihet edhe procedimi penal për manipulimin e dyshuar të zgjedhjeve parlamentare të 2017.
“Rama plotëso 15 kushtet e BE-së deri në fillim të korrikut, përfshirë procedimin penal për manipulimin e dyshuar të zgjedhjeve parlamentare të 2017, së bashku me mafien. Puna jote ka mbaruar në Shqipëri, miku im”,- shkruan Henze në postimin e tij.
Më herët, Henze në një postim në rrjetet sociale shkruante se “një ndër kushtet e vendosura nga BE është edhe procedimi penal ndaj Edi Ramës“.
“Rama ka dështuar, demokracia, sundimi i ligjit dhe liria e shtypit janë jofunksionale”, shkruan Henze.
