Ylli Manjani, ish-ministër i Drejtësisë, në një postim në rrjetet sociale, thumbon amerikanët me politikën që ndjekin në Shqipëri, duke u shprehur se kanë një handikap të madh.
Sipas Manjanit, për shkak të kulturës bipartiake që kanë edhe Shqipërinë e shohin si e PS dhe e PD. Pra vetëm dy ngjyra.
“Gjithashtu po për shkak të kulturës së Leader-it që drejton, shkërmoqen fare ndaj cilitdo gangster lokal që drejton. Nuk është e rastit që shohim që mbështesin edhe individë për ti bërë karshillëk ndonjë leaderi. Natyrisht e pasukseshme si përpjekje…
Europianët, që vijnë nga kulturë tjetër politike e shohin pak më ndryshe. Për Europianët politika është ekip, bashkim koalicion.
Natyrisht edhe në Europë ekziston kultura e Leader-it, por grupimet politike janë më të forta”, shkruan Manjani.
Postimi nga Ylli Manjani
Një dallim jo pa rëndësi.
========
Amerikanët që merren me punët politike në Shqipëri kanë një handikap të madh. Jo vetëm këta të sotmit, por kështu ka 30 vite.
Për shkak të kulturës bipartiake që kanë edhe Shqipërinë e shohin si e PS dhe e PD. Pra vetëm dy ngjyra…
Gjithashtu po për shkak të kulturës së Leader-it që drejton, shkërmoqen fare ndaj cilitdo gangster lokal që drejton. Nuk është e rastit që shohim që mbështesin edhe individë për ti bërë karshillëk ndonjë leaderi. Natyrisht e pasukseshme si përpjekje…
Europianët, që vijnë nga kulturë tjetër politike e shohin pak më ndryshe. Për Europianët politika është ekip, bashkim koalicion.
Natyrisht edhe në Europë ekziston kultura e Leader-it, por grupimet politike janë më të forta.
Në Shqipërinë e vogël qëllon që përplasen këto dy kultura politike, ndaj idetë që u nguliten publikisht njerëzve se:
1. Ambasada e Amerikës do na fusë në Europë dhe,
2. Ambasadat e Europës do na pranojnë si Amerikanë,
NUK JANË REALE.
JANË TË DËSHTUARA që në koncept.
Duhet ta mbledhim mendjen njëherë e mirë:
Ne jemi Europianë në të gjitha kuptimet e fjalës. Edhe politikisht kështu është.
Politika bipartiake e eksportuar nga përtej Europës ka rezultuar politikë skarco, jo realiste dhe e pazbatueshme.
Politika e eksportuar mbi kultin e Leader-it, përfundon në sundim autokratësh e gansterësh.
Politikë E RREZIKSHME kjo.
Kultura pluripartiake tashmë është e ngulur në jetën tonë politike. Kemi nevojë për garë dhe konkurrencë të ndershme.
Kemi nevojë jo për leader të fortë, por për ekipe të forta.
Reformat e rregullave politike nuk eksportohen, as jepen me koncension.
O i ndërtojmë e mbajmë, ose i menderosim dhe e hamë…
