Fernando Santos, trajneri fitues i Euro 2016 dhe i Nations League, do të qëndrojë në krye të kombëtares së Portugalisë deri në vitin 2024.
Trajneri 65-vjeçar ka rinovuar kontratën me kombëtaren “luzitane” ndërsa lajmi është konfirmuar edhe nga Federata Portugeze e Futbollit.
Santos ndodhet në krye të kombëtares që prej shtatorit 2014, duke e drejtuar ekipin në 71 ndeshje zyrtare.
Gjatë qëndrimit të tij në stolin e Portugalisë ai e ka transformuar këtë kombëtare duke e kthyer pretendente në rang global.
