Shfaqi mungesë përkushtimi, Gattuso tërbohet dhe përzë Lozanon nga stërvitja

Anësori i Napolit, Hirving Lozano, është përzënë nga seanca stërvitore që skuadra ka zhvilluar ditën e djeshme, përpara ndeshjes finale për Kupën e Italisë  ndaj Juventusit ditën e nesërme.

Gennaro Gattuso ka pikasur që 24-vjeçari po stërvitej pa intensitet e përqendrimin e duhur, çka ka sjellë edhe nervozizmin e menjëhershëm të teknikut Italian. –raporton  Corriere dello Sport.

Gennaro Gattuso ka ndalur seancën për një moment dhe ka urdhëruar Hirving Lozanon të largohet nga kompleksi stërvitor i skuadrës.

LEXO EDHE  Tirana-Kastrioti/ Bardheblutë në avantazh, Seferi zhbllokon ndeshjen

Sulmuesi meksikan ka shënuar  vetëm tre gola këtë sezon, duke zhgënjyer me rendimentin e ofruar dhe paraqitjet e bëra. Ngjarja e djeshme me Gattuson mund të sjellë fundin e aventurës së tij në skuadrën italiane dhe një ofertë e mirë mund ta largojë nga skuadra.