Anësori i Napolit, Hirving Lozano, është përzënë nga seanca stërvitore që skuadra ka zhvilluar ditën e djeshme, përpara ndeshjes finale për Kupën e Italisë ndaj Juventusit ditën e nesërme.
Gennaro Gattuso ka pikasur që 24-vjeçari po stërvitej pa intensitet e përqendrimin e duhur, çka ka sjellë edhe nervozizmin e menjëhershëm të teknikut Italian. –raporton Corriere dello Sport.
Gennaro Gattuso ka ndalur seancën për një moment dhe ka urdhëruar Hirving Lozanon të largohet nga kompleksi stërvitor i skuadrës.
Sulmuesi meksikan ka shënuar vetëm tre gola këtë sezon, duke zhgënjyer me rendimentin e ofruar dhe paraqitjet e bëra. Ngjarja e djeshme me Gattuson mund të sjellë fundin e aventurës së tij në skuadrën italiane dhe një ofertë e mirë mund ta largojë nga skuadra.
