Kryeministri Edi Rama paralajmëroi këtë të Martë se do të rikthehet rimbyllja nëse vijojnë rastet e shtuara me koronavirus. Në një komunikim nga FB e tij, kreu i qeverisë paralajmëroi gjoba e ndëshkim me burg për ata që nuk zbatojnë rregullat e vendosura me qëllim parandalimin e COVID.
“Një mbyllje tjetër do ishte dërrmuese për Shqipërinë dhe burimet e rimëkëmbjes. Fatkeqësisht do të na duhet të rimbyllemi dhe do na duhet të përballojmë sëkëlldinë që provuam dhe pasojat që morëm nga mbyllja e parë. Po sd’ua ta çoj ndërmend që do mbyllemi, se ende jemi në kohë të ndalojmë rikthimin e armikut të padukshëm. Numrat e rij janë shqetësues por edhe janë nën kontroll”, tha Rama.
Më tej, shtoi:
“S’do lejojmë asnjë lloj grumbullimi qoftë dhe politik. Grumbullimet më shumë se sa numri i personave të lejuar nga protokollet e sigurisë s’do lejohen më. Policia e shtetit duhet të bëjë detyrën pa bërë asnjë dallim. Kush merr pjesë në grumbullime apo grupime më të mëdha se sa numri i lejuar do penalizohet.
Bizneset që s’respektojnë protokollet e sigurisë nuk do tolerohen. Rrezikojnë dhe heqjen e lirisë përveç gjobave nëse nuk respektojnë protokollet.
Qytetarët do penalizohen nëse kapen në shkelje të rregullave të thjeshta po shumë të rëndësishme të distancimit social në hapësira publike”.
Ministria e Shëndetësisë raportoi sot 82 raste të reja pozitive në Tiranë, Shkodër, Fier, Vlorë, Korçë dhe Durrës.
