Kimi Raikkonen, i cili është piloti i fundit i shpallur kampion me “kokëkuqen” në Formula 1 (2007) ka marrë një dhuratë speciale për ditëlindjen e tij.
Në shtëpinë e tij ka mbërritur makina Ferrari SF71H, me të cilën ai fitoi garën e Amerikës në vitin 2018. Lajmin e publikoi vetë piloti në rrjetet sociale, duke falënderuar skuadrën nga Maranello.
Kjo është fitorja e fundit e Raikkonen me makinën italiane në karrierën e tij, ndaj Ferrari vendosi t’ia bëjë dhuratë finlandezit makinën me të cilën ai triumfoi në pistë.
