Koronavirusi/ OBSH: Disa shtete po përballen me valën e dytë

Në disa shtete, së fundmi është vënë re një rritje e rasteve të reja me koronavirus. Ky fenomen është parë me shqetësim nga Organizata Botërore e Shëndetësisë.

Drejtori Ekzekutiv i Programit të Emergjencave në OBSH, Michel Ryan, tha se disa shtete po përballen që tani me një valë të dytë apo shpërthim të ri të pandemisë.

“E para dhe më e rëndësishmja është se pjesa më e madhe e botës vijon të jetë në grahmat e valës së parë të kësaj pandemie.

Disa vende në Evropë, në Azinë juglindore dhe Amerikën e Veriut e kanë tejkaluar pikun e valës së infektimeve dhe po bëjnë hapa graduale drejt rikthimit në normalitet. Por, shtimi i rasteve në disa vende, mund të përfaqësojë një valë të dytë ose një shpërthim të ri.

LEXO EDHE  “Biden u vonua në reagimin ndaj grumbullimit të trupave ruse në kufirin e Ukrainës”

Në fjalë të tjera, nuk patëm një situatë kur sëmundja arriti në një nivel të ulët, e ruajti këtë nivel e më pas u rikthye më vonë.

Me shumë gjasë ka ndodhur për shkak të rihapjes së shoqërisë, ripërzierjes së njerëzve dhe mosrespektimit të distancimit social”, u shpreh Ryan.