Gjasula nuk i ndahet kartonit të verdhë, mesfushori vendos rekordin absolut në Bundesliga

Klaus Gjasula ka thyer rekordin për numrin më të madh të ndëshkimeve me karton të verdhë gjatë një sezoni.

Mesfushori shqiptar prej disa ndeshjesh radhazi është ndëshkuar me karton nga gjyqtarët, ndërsa e njëjta gjë ka ndodhur edhe sot në sfidën që Paderborn-i i tij po luan kundër Werder Bremen.

30-vjeçari u ndëshkua në minutën e 32-të dhe ky ishte kartoni i verdhë numër 17-të sezonal për të, rekord absolut në Bundesligën gjermane. Rekordi i mëparshëm  mbahej nga Tomasz Hajto me 16-të kartonë në sezonin 1998-1999.

Paderborn's Klaus Gjasula receives his 17th yellow card of the season, a Bundesliga all-time record.#SCPSVW pic.twitter.com/QhIOMr61KA

— DW Sports (@dw_sports) June 13, 2020