Chelsea ofron 15 milionë euro për zëvendësuesin e Kepa-s

Duket se skuadra e Chelsea-t e ka humbur besimin te portieri Kepa Arrizabalaga. Ky sezon ka qenë shumë i dobët për spanjollin, madje trajneri Frank Lampard e la në stol për disa ndeshje duke i besuar veteranit Caballero.

Tekniku Sarri ka pasur po ashtu probleme me Kepën dhe duket se investimi prej 80 milionë eurosh në 2018 në arkat e Athletic Bilbaos ka shkuar dëm. Drejtuesit e londinezëve kanë hedhur sytë te turku Uakurcan Cakir.

LEXO EDHE  E bujshme në Gjermani, skuadra e kategorisë së dytë eliminon Dortmund-in 

Mësohet se “Blutë” janë të gatshëm të shpenzojnë rreth 15 milionë euro për 24-vjeçarin i cili si titullar i Trabzonsporit ka bërë mjaft mirë duke tërhequr vëmendjen e disa skuadrave europiane. Ai ka pësuar 28 gola nga 26 ndeshje të zhvilluara, por ka qenë vendimtar për ekipin e tij. Cakir ka luajtur dhe 2 ndeshje për kombëtaren turke.