Vajza 10-vjeçare shqiptare zhduket në Selanik, ja apeli për ndihmë

Policia në Selanik të Greqisë ka filluar një hetim për zhdukjen e një vajze 10-vjeçare, nëna e së cilës pretendon se mund të jetë rrëmbyer gjatë kthimit të saj nga shkolla në Toumba të enjten.

Nëna e Markella Verami i tha Antenna TV të premten në mëngjes se një nxënës i shkollës tregoi se vajzën 10-vjeçare e thirri me emër një grua, ndërsa fëmijët po dilnin nga shkolla rreth orës 13.30 të së enjtes.

Autoritetet greke kanë lëshuar gjithashtu një Amber Alert duke tërhequr vëmendjen e qytetarëve për të dhënë informacion mbi lëvizjet e 10-vjeçares, i cila kishte veshur streçe të zeza, një bluzë kafe dhe këpucë të zeza, dhe mbante një çantë të lehtë blu të çelur me lule në kohën kur u zhduk.

LEXO EDHE  CDC: Qytetarët amerikanë udhëzohen mos udhëtojnë drejt Shqipërisë, rrezik i lartë nga Covid

Makella ka flokë të gjatë kafe, është 1.50 metra i gjatë dhe peshon 46 kilogramë, sipas Amber Alert.

Gjithkush që ka informacion e mund të ndihmojë hetuesit në Greqi, kërkohet që të telefonojë numrin e urgjencës së policisë 100 ose 11600 në linjën telefonike për fëmijët e zhdukur.