Sot janë evidentuar dy persona të prekur me koronavirus në Elbasan. Mësohet se ato janë nënë e bijë, 46 dhe 20 vjeç, banuese në Belsh.
Dyshimet e para janë se ato janë infektuar në QSUT, ku 46 vjeçarja ishte shtruar për t’u kuruar pasi vuante nga disa sëmundje. Fillimisht 46 vjeçarja ishte e shtruar në spitalin rajonal të Elbasanit dhe më pas ishte transportuar drejt Tiranës.
Nënë e bijë ndodhen të izoluara në banesën e tyre në gjendje të stabilizuar, ndërsa ka nisur hetimi epidemiologjik lidhur me rastet.
Kështu drejtuesi i mjetit që i ka transportuar drejt Tiranës gjithashtu është vetëkarantionuar në banesë në pritje të marrjes së tamponit.
