Kreu i PD-së Lulzim Basha vijon takimet me qytetarët për të diskutuar me ta për krizën ekonomike dhe për t’iu prezantuar planin e Partisë Demokratike.
Së fundmi, kryeopozitari ka qenë në Berat ku ka takuar fermerët e kësaj zone. Pas takimit, përmes një postimi në Facebook, Basha shprehet se karantina ju ka shkaktuar një dëm të madh duke i detyruar të hedhin prodhimet e tyre që nuk kishin mundësi t’i nxirrnin në treg.
Sipas tij, fermerët kudo në Shqipëri ndiejnë sot më shumë se kurrë harresën e qeverisë dhe moskujdesin ndaj agrobiznesit.
Postimi i plotë:
Në Berat takova dhjetra fermerë që më treguan për shqetësimet e tyre dhe vështirësitë që përballen çdo ditë.
Janë familje që me punën në bujqësi nxjerrin të ardhura për të mbajtur familjet e tyre. Pandemia e ka thelluar krizën dhe karantina ju shkaktoi një dëm të madh duke i detyruar të hedhin prodhimet e tyre që nuk kishin mundësi t’i nxirrnin në treg. Qeveria i braktisi në ditë të vështira ndërsa për 7 vite me radhë ua shtoi faturat dhe hallet duke ua bërë të pamundur mbijetesën.
Fermerët kudo në Shqipëri ndiejnë sot më shumë se kurrë harresën e qeverisë dhe moskujdesin ndaj agrobiznesit.
Asnjë subvencion për produktet e tyre, ndërkohë që çmimet janë rritur e nafta është më e shtrenjta në rajon.
RAMAVIRUSI nuk mund t’i mbulojë dështimet e tij fatale për bujqësinë me gënjeshtrat e dala boje.
Ne kemi një plan të detajuar për t’a nxjerrë bujqësinë nga kriza e për t’a shndërruar në një sektor fitimprurës për fermerët dhe vendin.
Do t’a nisim me mbështetje direkte për çdo fermer në bazë të prodhimit, me uljen e çmimit të naftës, lehtësimin e aksesit në treg, heqjen e monopoleve që vdesin konkurrencën dhe mbështetje të prodhimit vendas.
Bashkë do t’i japim shqiptarëve një qeveri normale që garanton shanse të barabarta për ta dhe normalitet e punësim.
https://www.facebook.com/lulzimbasha.al/posts/3236214613096364?__xts__[0]=68.ARB4qPxO5QRcwLcAZuVUjJGIIex4s06YzQD78NXOka8Uk7Bjt-wrjfzB-WkJ9oPYvhrPow35K4BEOaWo4aO6Fv9Lg0-S1Kj2zXVNu1W5l4WRRFgKus6Msd-wuG1nsFySr7pmI3oJRXD-fhAeDjNz_hdmJmRFVnfNvxl0RPk1j96HmFo8lOv_j0YVH8ebuO5RUrm-bGsRv8101aFVo7xew470KD4YrvxyGKWCFu0-8MSh10H7vAx4_VDz72eUiwozrENeK5DnKd5mZN_250w0k_qelTzAk0AoN2oN8a0UI3e1mCV2yuq5FYZIz591WMH15tCQpX8XrELOxmgzJ5p8xCY8f0qCPSuSVKJcary7HEmjSTen0rCr9gYp&__tn__=-R
