Vala e parë e koronavirusit nuk ka përfunduar ende, ndërsa shumë shkencëtarë pohojnë se vendet mund të goditen edhe nga një valë e dytë.
Shumë pak dihet mbi COVID-19, ndërsa Franco Locatelli, presidenti i Këshillit Suprem të Shëndetit dhe anëtar i komitetit teknik shkencor, tha se më shumë se sa një parashikim shkencorë, a do të ketë një valë të dytë dhe kur do të ndodhi, është më së shumti një gjëegjëzë.
Megjithatë ai shtoi se vendet duhet të jenë të përgatitur,
“Ne duhet të jemi të përgatitur për të trajtuar një valë të dytë të infeksioneve nga koronavirusi. Megjithatë, nëse ndodh, nuk besoj se do të jetë po kaq agresive sa vala e parë. Është e mundur që me kthimin e muajve më të ftohtë, të kemi edhe një rikthim të COVID-19”, tha ai.
