Sarri shpjegon se pse Ronaldo dhe Dybala nuk mund të luajnë së bashku

Juventusi përballet nesër kundër Milani-t në gjysmëfinalen e dytë të Kupës së Italisë, ndeshja e parë kjo në futbollin Italian që pas ndërprerjes për shkak të pandemisë së coronavirusit.

Në lidhje me këtë ndeshje, trajneri Sarri ka folur për “Sky Sport” duke e vlerësuar maksimalisht përballjen ndaj kuqezinjve. Strategu Italian gjithashtu ka folur për yjet e skuadrës si Paolo Dybala dhe Cristiano Ronaldo. Duke admiruar cilësitë e Dybala-s ai argumentoi se është e vështirë ta bësh atë të luajë me Ronaldon.

LEXO EDHE  Immobile kualifikon Lazion, bardhekaltërit në çerekfinalen e Kupës së Italisë

“Dybala është një lojtar fenomenal, por taktikisht është e vështirë ta bësh atë të luajë me Cristiano Ronaldo. Ata mund të bëjnë diferencën, por nuk është e lehtë të luajnë së bashku. Me cilësitë teknike dhe fizike mund të sjellin ndryshimin në çdo moment dhe skuadra duhet të përshtatet me ta në të dy fazat. Zona mbetet disi bosh, por është një vështirësi që na pëlqen”.