Publicisti Besnik Mustafaj gjatë analizës në studion e News24, u shpreh se Edi Rama nuk i ka, por mund t’i sigurojë votat për të kaluar marrëveshjen politike zgjedhore në Kuvend.
Mustafaj tha se qytetarët e kanë të vështirë të besojnë se me kryeministrin Rama mund të ketë zgjedhje të lira e të ndershme, kur ende nuk ka një ndëshkim nga drejtësia për dosjet emblematike të prishjes së zgjedhjeve, si ajo e Dibrës, apo e Durrësit.
Shkrimtari i njohur u shpreh në favor të një qeverie kujdestare 100 ditë para zgjedhjeve, dhe theksoi se kjo formulë ka qënë e suksesshme në Maqedoni.
Po ashtu, Mustafaj tha se Rama do të përpiqet të pengojë paktin e arritur për identifikimin biometrik të votuesve, teksa sipas tij, ekspertët dhe inxhinierët thonë se ky proces është krejt i mundshëm.
Ish-ministri i Jashtëm u shpreh skeptik lidhur me kredinë që ka marrë së fundmi qeveria, duke thënë se Edi Rama ka marrë edhe më parë, por këto shuma nuk janë parë të përkthyera në punë publike apo në investime në infrastrukturë.
Teza e qeverisë, se ekonomia jonë është e shëndoshë, sipas Mustafajt, është propagadanë.
Për aktivitetet e Bashës me qytetarët, ai tha se PD deri tani ka qënë në sulm denoncues, tani shtoi ai mesa duket ka ardhur koha që opozita të jetë propozuese në mënyrë që të kthejë shpresën e qytetarëve, me anë të një program të strukturuar ekonomik.
