Vazhdon të rëndohet situata e koronavirusit. 44 raste pozitive, 1 viktimë dhe 21 të shëruar është bilanci i 24 orëve të fundit në vendin tonë.
Gjatë 24 orëve të fundit janë kryer 291 teste dhe 44 rastet e reja me COVID-19 janë nga: 22 në Tiranë, 6 në Krujë, nga 4 raste në Durrës, Kamëz e Shkodër, 2 raste në Lushnje dhe nga 1 rast në Vlorë dhe Elbasan. MSH bëri me dije se rastet e konfirmuara janë kontakte të rasteve pozitive por edhe shume raste të reja që janë në hetim në Shkodër, Elbasan, Vlorë. Mësohet dhe se nga 40 personel shëndetësor të testuar kanë rezultuar pozitivë 9 prej tyre, të gjitha kontakt.
Gjatë 24 orëve të fundit betejën me COVID-19 e kanë fituar dhe 21 pacientë të tjerë duke e çuar numrin e të shëruarve mbi 1 mijë që nga fillimi i epidemisë.
Mëngjesin e sotëm është shënuar dhe viktima e 35-të nga COVID-19 në vendin tonë, pasi ka ndërruar jetë te Infektivi një pacient 59 vjeçar nga Lushnja.
Vijon të ketë shtrime në spitalin infektiv kryesisht nga Tirana. Aktualisht janë 52 pacientë të shtruar, ndërsa 8 prej të shtruarve janë në terapi intensive. Në vendin tonë janë aktualisht 349 persona aktivë me COVID19, kryesisht në Tiranë, Shkodër, Krujë ku ka transmetime komunitare.
COVID-19 – Statistika (11 Qershor 2020)
Testime totale 19562
Raste pozitive 1385
Raste të shëruara 1001
Raste Aktive 349
Humbje jete 35 (Qarku Tiranë 21, Durrës 6, Fier 4, Vlorë 1, Shkodër 2, Kukës 1)
Shpërndarja gjeografike e rasteve aktive është si vijon:
Tiranë 211
Shkodër 42
Krujë 32
Kamëz 23
Durrës 16
Mat 9
Lushnje 5
Tropojë 2
Korçë 1
Librazhd 1
Mallakastër 1
Lezhë 1
Pukë 1
Berat 1
Ura Vajgurore 1
Vlorë 1
Elbasan 1
