Ish-lojtari i PSG-së, Jerome Rothen, ka komentuar lajmin e largimit nga skuadra të Thiago Silva-s i cili nuk do të rinovojë kontratën me kubin francez.
Duke folur për “RMC”, Rothen vuri në dukje se mbrojtësi brazilian është një nivel poshtë qendërmbrojtësve më të mirë në botë dhe se është me fat për atë që ka arritur në karrierën e tij.
“Ai kurrë nuk ka qenë si Ramos apo Van Dijk. Në asnjë skuadër tjetër nuk do t’i kishte fituar paratë që ka marrë në Paris. Ai është një lojtar i mirë, por me aftësi të kufizuara, sidomos në aspektin mental”, tha ish-futbollisti i PSG-së.
Rothen shpjegoi më tej se Thiago Silva nuk arriti të ishte lider dhe të kishte ndikimin e duhur te futbollistët e tjerë të PSG-së.
“Kur një lojtar paguhet kaq shumë, shpresohet që ai gjithashtu do të ndikojë tek ata që ka pranë. Nëse do të ishte për mua, do t’i kurseja edhe ato dy muaj të kontratës së tij deri në përfundim të sezonit (PSG edhe ende në lojë për Championsin). Ai po qante gjatë gjithë vitit për të rinovuar, madje përfshiu edhe gruan e tij në këtë çështje. Të mos harrojmë që ishte i pari që nuk pranoi uljen e pagave për shkak të krizës së pandemisë”, shtoi ish-lojtari francez.
